Við sköpum
þekkingu
Við sköpum þekkingu með gögnum
Endilega heyrumst ef þig langar að skapa þekkingu
Endilega fylltu þetta út og við munum hafa samband við þig eins fljótt og auðið er.
Ertu að leita að nýju atvinnutækifæri?
Skapandi og lausnamiðað hugarfar
Við viljum búa til skapandi og framsækið teymi með okkar viðskiptavinum sem er lausnamiðað og býr yfir ríkri þjónustulund. Þannig teljum við okkur líklegri til árangurs sem framúrskarandi þjónustufyrirtæki. Okkar markmið er að skapa og skila þekkingu til allra sem taka þátt í okkar verkefnum. Að skapa framsækið umhverfi með nýjustu tækni sem ávallt er hægt að draga lærdóm af.
Bryndís Charlotte Sturludóttir
Sérfræðingur í gögnum
Bryndís starfar sem gagnasérfræðingur hjá Maven. Hún hefur mikinn áhuga á úrvinnslu gagna og gaman af því að kynna sér nýjar aðferðir og tækni sem varða meðal annars vöruhús gagna og gagnavinnslu.
Bryndís er með BSc gráðu í Tölvunarfræði frá Háskólanum í Reykjavík og starfaði áður sem hugbúnaðarverkfræðingur hjá NetApp við þróun skýjalausna.
Þegar Bryndís er ekki að vinna er hún yfirleitt að verja tíma með fjölskyldunni, horfa á Formúlu 1 eða að byrja á nýju prjóna verkefni.
Darri Rafn Hólmarsson
Sérfræðingur í gögnum
Darri Rafn starfar sem gagnasérfræðingur í starfsstöð Maven á Akureyri og vinnur meðal annars með TimeXtender, Azure og Power BI.
Darri er með B.Sc. gráðu í tölvunarfræði frá Háskólanum í Reykjavík og starfaði hjá Advania frá 2019-2023, m.a. sem ráðgjafi og verkefnastjóri á sviði Viðskiptalausna.
Þegar Darri er ekki í vinnunni þá ver hann tíma með fjölskyldu sinni, stundar líkamsrækt, iðkar hugleiðslu og grúskar í tónlist.
Einar Þór Gunnlaugsson
Sérfræðingur í gögnum
Einar er 31 árs gagnasérfræðingur hjá Maven sem hefur mikinn áhuga á hvernig hægt er að byggja upp gott gagnaumhverfi fyrirtækja. Allt frá innviðum til gervigreindar. Einar kynnir sér mikið nýja tækni sem og nýja ferla sem fylgja þeim. Áhuginn liggur í því hvernig það er hægt að auðvelda aðgengi að gögnum til greiningar fyrir sérfræðinga sem og almennt starfsfólk til ákvörðunartöku. Einnig telur Einar það mikilvægt að hafa tækifæri til starfsþróunar.
Einar er með BSc í viðskiptafræði með áherslu á fjármál frá Háskóla Íslands og MSc í Information Systems frá Háskólanum í Lundi. Að loknu námi hefur Einar nýtt þekkinguna í störf sín í kringum tækninýjungar og nýtingu gagna en Einar hefur starfsreynslu frá Svíþjóð þar sem hann starfaði sem gagnasérfræðingur í 4 ár.
Í frítíma sínum stundar Einar mikla hreyfingu, spilar golf, les vísindaskáldskap og er mikill tónlistaráhugamaður.
Erna Stefánsdóttir
Mannauðs- og skrifstofustjóri
Erna leggur áherslu á árangursríka teymisvinnu, framþróun, virðingu og traust á vinnustaðnum. Hún hvetur teymismeðlimi til að greina tækifæri til umbóta og skilgreina hvert það stefnir. Hún hvetur teymið til að setja sér sameiginleg markmið, sækjast eftir sameiginlegum sigrum og tryggja að sérhver teymismeðlimur sé mikilvægur hluti af velgengni Maven.
Erna þekkir vel að ánægt starfsfólk skilar einstakri vinnu, sömuleiðis áhersla á þekkingaröflun og miðlun þekkingar meðal starfsfólks skilar sér bæði í vexti einstaklinga sem og fyrir Maven í heild. Hún hvetur til uppbyggilegrar gagnrýni og jákvæðrar endurgjafar.
Með Ernu sem Mannauðs- og skrifstofustjóra er Maven ekki bara vinnustaður heldur uppbyggilegt samfélag þar sem allir meðlimir fá að sannarlega að tilheyra, fá tækifæri til að vaxa og fagna sigrum.
Í frítíma þykir Ernu vænt um gæðastundir með fjölskyldu og vinum, hún fer mikið í leikhús, ferðast töluvert og nýtur þess að upplifa þau hversdagslegu ævintýri sem lífið hefur upp á að bjóða.
Helgi Hrafn Halldórsson
Framkvæmdastjóri
Helgi er giftur, tveggja barna faðir og mikið nörd sem hefur áhuga á viðskiptum, tölvum, tækni og körfubolta. Hann leggur mikið uppúr samvinnu innan teyma og að menn búa yfir jákvæðu hugarfari. Því þau atriði eru mikilvæg þegar kemur að því að vellíðan og trausti innan hópa.
Stöðug starfsþróun er Helga mikilvæg og sem hluta af því hefur hann sjálfur meðal annars tileinka sér gagnleg atriði og vinnuaðferðir úr handbókum eins og til dæmis, Deep Work, The No Asshole Rule, The Infinite Game og Trillion Dollar Coach.
Helga Hrund Friðriksdóttir
Sérfræðingur í gögnum
Helga er gagnanörd og starfar sem gagnasérfræðingur hjá Maven. Ofurmetnaðarfull og þjónustulunduð eru orð sem lýsa Helgu vel. Helga er einstaklega fær í því sem hún gerir en hún vinnur mikið með Power BI, Logic Apps og Azure.
Helga er með með B.Sc. gráðu í Iðnaðarverkfræði frá Háskóla Íslands og starfaði áður sem gagnasérfræðingur hjá Marel.
Þegar Helga er ekki að vinna í hagnýtri skýrslu fyrir viðskiptavin þá er hún líklegast að prjóna eitthvað hrikalega fallegt, í líkamsrækt eða að verja tíma með fjölskyldunni.
Hinrik Snær Guðmundsson
Sérfræðingur í gervigreind og gagnavísindum
Hinrik Snær er sérfræðingur í gervigreind og gagnavísindum hjá Maven og hefur brennandi áhuga á öllu sem tengist tækni og vísindum. Hinrik leggur mikla áherslu á að kynna sér nýjustu framfarir í stafrænni tækni sem gerir honum kleift að útfæra hagnýtar lausnir sem eru öflugri en það sem er aðgengilegt í dag. Hinrik hefur fjölbreytta reynslu sem inniheldur meðal annars vefsíður, snjallforrit, raddstýringu, tölvusjón og gervigreind.
Hinrik er með BSc í tölvunarfræði frá Háskóla Íslands og með meistaragráðu í gervigreind frá Universiteit van Amsterdam. Að námi loknu nýtti Hinrik þessa þekkingu til þess að hjálpa fyrirtækjum við að útfæra og innleiða nýjustu framfarir í gervigreind og gagnavísindum.
Í frítíma sínum gerir Hinrik sitt besta til þess að stunda virka hreyfingu eftir langan dag við skrifborðið og efla áhugamálin sín sem eru tónlist, íþróttir og að læra nýja hluti.
Olga Ýr Georgsdóttir
Sérfræðingur í gögnum
Olga er enn eitt gagnanördið hjá Maven og gegnir starfi gagnasérfræðings. Jákvæða hugafarið hennar og góða orkan er vanfundin. Þeir eiginleikar í bland við færni hennar í Microsoft lausnum líkt og Power Apps og Power BI, gera hana að gagnaofurmenni.
Olga lauk meistaranámi í Upplýsingastjórnun (e. Information Management) frá Háskólanum í Reykjavík og B.Sc í Viðskiptafræði með tölvunarfræði sem aukagrein frá sama skóla. Olga starfaði síðast hjá ST2 (Stragile) sem sérfræðingur í gagnagreiningu og þar áður hjá Vinnumálastofnun.
Þegar Olga er ekki að búa til Power öpp eða hagnýtar skýrslur fyrir viðskiptavini er hún að bæta sig í þyngdum í lyftingum, láta sig dreyma um að eignast hund eða að blasta Harry Styles á fóninum.
Pétur S. Sigurðarson Rühl
Sérfræðingur í gögnum
Pétur er fjármálanörd og er stundum kallaður fjármálastjóri Maven bara út af því. Hann vinnur mikið með Azure og Power BI og elskar að búa til flottar Power BI skýrslur. Hugurinn og draumar hans þessa dagana er að búa til lausnir sem greina gögn á rauntíma.
Pétur er með BSc gráðu í fjármálaverkfræði frá HR og starfaði lengi hjá Bláa Lóninu. Við í Maven erum heppin að hafa Pétur sem liðsfélaga, en áður en hann kom til Maven var hann við störf hjá Marel.
Þegar Pétur er ekki í vinnunni stundar hann Crossfit af miklum krafti. Ef þú nærð ekki í fjármálastjórann okkar er hann líklega í einhvers konar útivist, að horfa á amerískan fótbolta eða að lesa efni um Microsoft lausnir, viðskipti, tækni eða fjármál.
Ragnar Stefánsson
Sérfræðingur í gagnavísindum
Ragnar er sérfræðingur í gagnavísindum hjá Maven, hann leggur mikinn metnað í að kynna sér nýjustu tækni og nota gagnagreiningu til að finna verðmæti sem liggja í gögnunum, þar sem það er mikilvægt fyrir fyrirtæki að skilja gögnin sín til að geta boðið upp á framúrskarandi þjónustu eða vörur. Helstu verkefni Ragnars hjá Maven innihalda að vinna með gögn og búa til spálíkön, t.d. hreinsa gögnin, tryggja gæði gagna, umbreyta gögnum og fleira.
Ragnar kláraði BSc í tölvunarfræði frá Háskólanum í Reykjavík og fór síðan í MSc nám í Gagnavísindum hjá sama skóla. Áður en Ragnar kom til Maven vann hann, í samstarfi við Háskólann í Reykjavík, fyrir fyrirtækið Wildlife Studios sem hannar farsímaleiki sem milljónir leikmanna um allan heim spila daglega. Hans hlutverk þar var að búa til spálíkön byggð á hegðunarmynstri notenda, bæði að spá hvaða leikmenn voru að líklegir til að hætta en einnig hverjir voru líklegir til að fjárfesta pening til að kaupa hluti í leiknum.
Utan vinnu leggur Ragnar mikinn metnað í hreyfingu, hann hefur gaman af því að lyfta lóðum í ræktinni, fara í bolta með vinum og fara út að hlaupa eða fjallgöngur. Hann leggur einnig mikinn metnað í að kynna sér nýjustu tækni og tól og er mikill áhugamaður um að búa til stafrænar myndir með gervigreind með tólum eins og Stable Diffusion, Disco Diffusion og Midjourney.
Sigrún Inga Ólafsdóttir
Sérfræðingur í gögnum
Sigrún hefur mikinn áhuga á framsetningu gagna og gögnum almennt, þá sérstaklega hvernig hægt er að nota gögn til að einfalda ferla og dagleg störf. Sigrún starfar sem gagnasérfræðingur hjá Maven og vinnur meðal annars með TimeXtender, Power BI og Azure.
Sigrún er með tvær BSc gráður frá Háskólanum í Reykjavík, í Heilbrigðisverkfræði og Hugbúnaðarverkfræði.
Áður starfaði hún sem gagnasérfræðingur og verkefnastjóri hjá lyfjafyrirtækinu Medis.
Frítíma sinn nýtir Sigrún í að skapa minningar með manninum sínum og þremur börnum, í utanvegahlaup eða taka því rólega yfir góðu borðspili.
Viktor Ari Ásrúnarson
Sérfræðingur í gögnum
Viktor er gagna- og viðskiptagreindar sérfræðingur hjá Maven en ætti líka að bera titilinn "Viskubrunnur". Ef einhver getur komist að einhverju þá er það Viktor því hann er stútfullur af þekkingu og reynslu og alltaf til í að leita að svarinu. Hann er fjölhæfur ráðgjafi og vinnur meðal annars með TimeXtender, í nýsmíði og viðhaldi gagnavöruhúsa, Azure og Power BI.
Viktor er með BSc í Iðnaðarverkfræði frá Háskóla Íslands og hefur setið fjölmörg námskeið tengdri nýtingu gagna til ákvörðunartöku. Hann er með áralanga reynslu sem ráðgjafi í viðskiptagreind þar sem hann hefur leitt uppbyggingu, hönnun og þróun vöruhúss gagna og gagnavinnslu hjá fjölmörgum viðskiptavinum.
Þegar Viktor er ekki í vinnunni er hann að sinna hundinum sínum, í útivist eða að grilla eitthvað djúsí.
Flottur félagsskapur
Langar þig öðlast þekkingu úr þínum gögnum?
Hafðu endilega samband og við skoðum hvort við getum hjálpað þér!